كل يوم بنسمع كلام غريب اوى يمكن احنا كمان نكون بنقول كلام غريب لاننا من الشباب بس مش لازم الكلام يبقى اوفر اوى جدا خد عندك يا سيدى الكلام الى بيتقال وللاسف ملوش علاقة ببعضة خاااااالص
بلف
من اضحك المصطلحات بصراحة طبعا الشباب يعرفو البلوف
معنى انه شخص ينبلف يعني انه يسوي الشي بسرعه بدون تفكير مثلا لو
شاف صاحبه اشترى سياره جديده وعجبته قوام جاب وحده من نفس النوع هنا
نقول انه بلف ينبلف بسرعة ولمن يكونو اتنين بيتضاربو
ويجي واحد يحرش ..
احس بعض الناس ماحتفهمها بس هوا معناها كده وخلاص
تشبيك
ودي الكلمة معروفه وانتشرت بمختلف ارجاء المعمورة ومعناها انه لمن
واحد يقول انا شبكت فلانه يعني انا خليتها تعجب فيا وتحبني ولا
تكلمني وزي كدا
تغريز
كلمة يعرف انه لمن السيارة تغرز يعني تغرز في الرمل لكن بين الشباب
المصطلح ده غير يعني لمن انته تيجي وتقول غرزت عند فلانه يعني وقعت
في دباديبها او تقول فلانه غرزت عندي يعني وقعت في
دباديبي ايش بالله الكلام الفاضي دا نجيبلك ونش احسنلك
حمزه
هادي اللفظ اللي المفروض يتلغى من قاموس الشباب بتاتا البتة لأنه
على اسم صحابي جليل وحرام نهين الأسم بالصوره هادي وحمزه هادا اللفظ
معروف حاليا بين مجتمع الشباب بالشخص الركاب يعني الكزاب فلمن تلاقي
احد يبكش يقولوه بس ياحمزه
((ومو قصدي عليك ياحمزه ))
جنط
الكل يعرف جنوط السيارات طبعا لكن اليومين دول برضو صار للجنط
معنى تاني ..
يعني لمن واحد يقرفك ويطفشك من كلامو ..
يقولولك الشباب اعطيلو جنط يعني طناش ..
وهادي زكرتها فوق بمعنى أشكل
دافور
دافور معناها زمان في الحجاز الفرن ولكن دحين صار معناها البنت او
الولد الشاطر\ة في الدراسة نقول عنه\ا دافور\ه اللي دايمن شغال
عالكتب ولا يسيبها زي ما يسموه المصارية عثة
كتب
دعس
دي الكلمة تنقال للاقدام على الشي وتنفع مرادف لكلمة قدام يعني
لمن مثلا يجي احد يقولك تيجي نروح التحلية ترد عليه وتقول والله ادعس
يعني يلا معاك
شاكوش
معناها الاصلي طبعا المطرقة لكن دحين صار معناها البنت ولا الولد
اللي مو حلو نقول عنه شاكوش
شباب في رحلة
وهيا مرادف لكلمة مشى حالك اللي أستخدمتها كتير في كلامي فلمن تعمل شي وما يطلع مره مزبوط فتقول للي جنبك يااخي عادي شباب في رحلة
ولا تسوي شي مو معتاد كدا وتحس احد استغرب فتقولو شباب في رحلة ياخي
شوربة
طبعا كلنا نعرف الشوربة احلى شي عندنا هنا شوربة الحب على الفطور
ياسلام سلم لكن هنا معناها غير فلمن انته تقول شوربه يعني شي سهل
فلمن مثلا يكون عندك اختبار ويكون سهل جدا تقول الاختبار كان شوربة
وهكذا
ولا مسلا تكلم احد وتقولو انا اروح شوربه ..
يعني اروح وطي ..
ولا تيجي المدام تجبلك الاكل تقوم تقولها حياتي من غيرك شوربة
صاروخ
طبعا نعرف الصواريخ لكن هنا معناها شي ثاني معناها
البنت الحلوة فلمن الاولاد يشوفو بنت حلوة يقولو عنها صاروخ
صهيوني
كلمة جدا وحشه بصراحه وما احب انه نستخدمها وهي تنقال للشي الحلو
فيقولو لو شي جدا جميل صهيوني وهي مو حلوه لانه الصهاينة اليهود مو
من الجميل ننسب لهم الحاجات الحلوه
شوفتوا بقى الكلام ما علينا يا جماعة المفروض ان فاضل على رمضان اسبوع واحد لازم نبطل كل حاجة علط ومنها الكام الغريب هوا مش عيب اوى بس يعنى تبقى بداية .............. انا عن نفسى بفكر ابطل حاجات كتير يمكن الناس شيفاها لط وحاجات تانية انا شايفها غلط وربنا معاكم ومعانا يلااااااا باى
موضوع: كلام غريب ومعانى اغرب 
الأحد أغسطس 24, 2008 2:05 pm
